Transportation in London

每個人對需要朋友嘅程度都唔同， 可能雙子座關係我係好怕悶所以唔係太喜歡個人，

所以一個人去旅行或者去一個陌生國家生活，

依啲都係我以前唔會做嘅。

安頓好住嘅地方，

第一件事就係約身在英國嘅朋友見面排密我個時間表，

安全感係每個女人都需要而我個人習慣了計劃所以比正常人更需要，

依個習慣其實都係因為由17 歲自己搬出屋企，

一邊做野一邊供自己讀書而養成所以算係獨立得嚟又怕需要被朋友照顧給予安全感。

係機場已經買咗Osytal Card ,英國版八達通，

(不過要提醒嘅係Oystal card 方便指數同香港完全冇得比)

係充值（Top up ) 時你要諗定自己用嘅交通功具主要係乜？

如果你入20 鎊好似香港八達通咁扣錢用，你會發現自己好快又要充值。

選擇每星期冇上限的充值對要坐巴士或者火車同地鐵嘅朋友係最抵。

當然好似我之前講倫敦分Zone 1 至Zone 5 同outside London , 每個Zone復蓋範圍價錢唔同，

離central 越遠越貴， 我就買開Zone 1 - Zone 3 38 鎊一星期，

不過我試過唔買一星期, 三日就用咗38 鎊,

所以對鐘意周圍去嘅朋友就記得一定每星期或者毎月咁充值喇

另外最重要一點倫敦有交通工具DRL 好似香港輕鐵 冇入閘位置的，

如果你忘記拍卡你張Oystal card會自動被扣好似大約5 鎊罸款,

即時差不多60 大元 而依個$ 係你按金或者係獨立充值存款到扣減所以唔好問點解，

當發現無端端提早冇晒存款，

你要去部充值機到檢查一下自己個流水行程，

如果即時發現係可以去顧客服務要求回收返個罰款架。

不過係倫敦更特別的係當坐巴士時佢個Oyster card 嘟嘟位置壞咗，

你係會個程車免費架，因為巴士係唔收現金架， 我就試過好幾次喇。

至於去更遠嘅地方例如曼城Manchester或者伯明翰Birmingham ，

大家可以上火車網站eg :Trainline , 預訂火車票。

可以肯定係越早訂越平，如果即時買60-100 鎊來回火車票一定走唔甩、

但如果提早買係1/4 價錢就可以喇、所以有計劃係非常重要！